April 2005

PENUSAH REGA BARANG & TAMBANG MAYA GAWAI

Pengelola,

Bahagian Iban,

RTM,

Kuching.

UP: En. Locksley Nyaru Muyang.

Tuan,

PEMANTAUAN DAN PENGAWALAN HARGA BARANG DAN TAMBANG SEMASA GAWAI

Serambau enggau Gawai tu aku ngari ka bala Komiti Nembiak SDNU, berasai gaga serta penuh pengarap ngagai nuan serta bala ti “bertugas” ngenatai ka berita tu ngagai bala peninga.

2. Tuju kami mantai ka penemu tu laban deka mai bala maioh besaup nagang penanggul rega barang serta tambang niki ba sekeda endor lebih agi di menua pesisir. Penanggul tu nyadi ninting taun ti beserbak enggau bala Dayak ngintu Gawai.

3. Aku arap ngena chara tu, semua kitai Dayak ke lebih agi ti diau di menoa pesisir tau bekunsi ka sebarang penerang kena nagang penanggul nya nyadi baru baka taun-taun ti udah.

Terima kasih, ka semua kerjasama serta saup bala kita ba RTM.

Aku ti bendar,

(Anthony Banyan)

Tuai Nembiak (Youth Chief SDNU)

SARAWAK DAYAK NATIONAL UNION

Lot 7887, 3^rd Flr, Section 64,

Block A, Queen,s Court,

Jln Wan Alwi, 93350 Kuching

Tel 082-570433 / 019-8884800

CC: 1. President,

2. Secretary General

-----------------------------------------------------------------------------------------------------

PENANGGUL REGA BARANG SERTA TAMBANG NIKI MAIA GAWAI DAYAK

Pengalaman/Peneleba kitai Gawai ke ngelama tu, kitai suah amat napi pemedis ari pengawa sekeda orang dagang ti enda betanggunjawab ngambi peluang maia pengerami lalu betiki ka rega barang serta tambang ti enda patut.

Bala kitai maioh sama-sama besaup nagang pekara tu nyadi baru ke taun tu serta taun-taun ti ka datai.

Pekara 1. Rega Barang

Bisi sekeda orang ti bejual, nyedia ka dua iti tanda rega, siti tanda ti betul mina di bantai maia di periksa Penguatkuasa. Tanda rega kedua di ayan. Tanda rega ke dua tu meh rega ke mar ari rega ke patut. Barang ke di jual baka manuk, telo manuk, beras serta maioh bengkah ai irup.

Chara Mutar Begulai / Mengatasi Masalah Bersama

Meri ripot ngagai orang ti bekuasa, Kementerian Perdagangan Dalam Negeri serta

meri penerang ti silik nama orang ti bejual, no kedai, haribulan, jam, rega serta

bengkah/bansa barang.

Pekara 2. Tambang Kereta Darat

Bisi sekeda beambil ulih maia Gawai niki ka tambang bas, kereta, teksi atau bot ekspres serta nadai ngira pengelikun mai bala penumpang penuh dedat.

Sida Ekspres bot, selalu ngambi bala penumpang bepadat ba perabong Ekspres selepas di periksa orang ti bekuasa ari Lembaga Sungai-Sungai Sarawak serta Polis Marin.

Chara Mutar Begulai / Mengatasi Masalah Bersama

Bala maioh di pinta ngaga ripot ngagai Lembaga Perlesenan Kenderaan Perdagangan

enti ia bas serta kereta darat bisi niki ka tambang ngena chara belalai nadai pemendar

ari opis perintah. Penerang ti silik baka Nomombor Bas, Teksi, Kereta Sewa, penatai

serta tempat tuju serta teket/resit.

Pia mega, enti Ekpsres Bot bisi di temu ngereja pengawa niki ka tambang serta mai

penumpang penuh dedat selepas di periksa, bala maioh tau ngeripot ngagai Lembaga

Sungai-Sungai Sarawak serta Polis Merin. Ripot kita mesti bisi penerang ke silik baka

nama ekspress bot, jam, haribulan, penatai serta tuju serta teket/resit.

Address serta telefon pihak berkuasa baka ba borang chonto.

Bala maioh mega tau bekunsi enggau semua Pampang SDNU/SIDS. Indu opis SDNU Kuching Tel 082-570433 Lot 7887, 3^rd Flr, Section 64, Block A, Queen,s Court, Jln Wan Alwi, 93350 Kuching

----------------------------------------------------------------------------------------------------

Kepada,

Pengarah,

Kementerian Perdagangan Dalam Negeri

Dan Hal Ehwal Pengguna,

Tingkat 8, Bangunan Sultan Iskandar,

Jln. Simpang Tiga, Tel : 082 - 245202

93350 Kuching. Fax: 082 - 257920

Tuan,

LAPORAN KENAIKAN MENDADAK HARGA BARANG

Dengan hormatnya merujuk kepada pekara di atas.

2. Sehubung dengan itu adalah dimamaklumkan bahawa peniaga/pekedai berikut telah menaikkan harga barang terkawal dengan terlalu tinggi:

No Kedai : ……………………………..

Nama dan Alamat Kedai : ………………………………………………………………………………………………………………………………………………………………………………………………………………………………

Nama peniaga : ………………………………………………………….………………………………..

Jenis Barang :

…………………………………..Harga ………………………..

…………………………………..Harga ………………………..

…………………………………..Harga ………………………..

Tarikh …………......…….. Masa: …......………………….

3. Adalah diharap pihak tuan dapat membuat siasatan dan mengambil tindakan yang sewajarnya.

4. Saya bersedia /tidak bersedia memberi keterangan lanjut jika di perlukan pada bila-bila masa.

Sekian, terima kasih.

Yang benar.

T/t : …………………….

Nama dan Alamat :

Telefon :

Salinan :-

Sarawak Dayak National Union (SDNU)

Lot 7887, 3^rd Flr, Section 64, Block A, Queen’s Court,

Jln Wan Alwi,

93350 Kuching Tel./Fax : 082 -570433

---------------------------------------------------------------------------------------------------

Kepada,

1. Ketua Polis Marin, Tel: 082 - 33411

Wilayah Sarawak, Fax: 082 - 257920

Pangkalan Polis Marin

93450 Bintawa Kuching.

2. Kontroller, Tel : 082- 234092

Lembaga Sungai-Sungai Sarawak, Fax : 082 -234096

Tingkat 2, Electra House,

Power Street,

93400 Kuching

Tuan,

LAPORAN TAMBANG DAN PENUMPANG BOT EKSPRESS

Dengan hormatnya merujuk kepada pekara di atas.

2. Sehubung dengan itu adalah dimaklumkan bahawa BOT EKSPRES berikut telah menaikkan tambang / membawa penumpang berlebihan. Dengan itu, keselesaan dan keselamatan para penumpang telah diabaikan sama sekali

Nama Ekspres Bot: ……………………………………………………….…………………..

Perjalanan dari : …………….………………..……… ke ……………….……………………

Tarikh ……………………………. Masa: …………………….….

No. Teket (jika ada):……………………………………………………

3. Adalah diharap pihak tuan dapat membuat siasatan dan mengambil tindakan yang sewajarnya.

4. Saya bersedia /tidak bersedia memberi keterangan lanjut jika di perlukan pada bila-bila mas.

Sekian, terima kasih.

Yang benar.

T/t : …………………….

Nama dan Alamat :

Telefon :

Salinan :

Sarawak Dayak National Union (SDNU)

Lot 7887, 3^rd Flr, Section 64, Block A, Queen’s Court,

Jln Wan Alwi,

93350 Kuching Tel./Fax: 082 -570433

------------------------------------------------------------------------------------------------------------------

Kepada,

Setiausaha,

Lembaga Perlesenan Kenderaan Perdagangan

Lot 421, Jalan Nanas Tel: 082 - 412033

93400 Kuching Fax: 082 -256757

Tuan,

LAPORAN TAMBANG DAN PENUMPANG BAS, KERETA SEWA DAN TEKSI

Dengan hormatnya merujuk kepada pekara di atas.

2. Sehubung dengan itu adalah dimamaklumkan bahawa BAS / KERETA SEWA / TEKSI berikut telah menaikkan tambang / membawa penumpang berlebihan. Dengan itu, keselesaan dan keselamatan para penumpang telah diabaikan sama sekali

No Bas/Kereta sewa/teksi: …….…………………..

Perjalanan dari : …………….………………..……… ke ……………….……………………

Tarikh ……………………………. Masa: …………………….….

No. Teket (jika ada):……………………………………………………

Tambang yang dikenakan : …………………………………………

Jumlah Penumpang : ……………………………………………………

3. Adalah diharap pihak tuan dapat membuat siasatan dan mengambil tindakan yang sewajarnya.

4. Saya bersedia /tidak bersedia memberi keterangan lanjut jika di perlukan pada bila-bila masa.

Sekian, terima kasih.

Yang benar.

T/t : …………………….

Nama dan Alamat :

Telefon :

Salinan :

Sarawak Dayak National Union (SDNU)

Lot 7887, 3^rd Flr, Section 64, Block A, Queen’s Court,

Jln Wan Alwi,

93350 Kuching

Tel./ Fax : 082 - 570433

May 2005

THE SPEECH FOR THE GOH GAWAI SDNU DINNER 2005 AT DEWAN SUARAH KUCHING ON 21TH MAY 2005

Selamat ngintu Gawai Dayak ka semua kitai maioh, kelebih agi ngagai bala kaban SDNU di serata menua Sarawak.

Terima kasih ngagai bala Komiti Besai SDNU kelebih agi bala Komiti Gawai laban ti udah ngangau ka aku nyadi ka tuai Pengabang Gawai ka tahun tu.

Gawai ke taun tu, amat besai reti ka semua kitai Dayak laban ke taun tu kitai Dayak masuk ka 40 kali ngintu Gawai kena ke 1 haribulan Enam kenyau ari kitai merdeka dalam Malaysia taun 1963.

Dalam tempoh 42 taun ti lalu, maioh bengkah penanggul serta pemansang udah nuntung serta di sepi kitai Dayak.

Penanggul ti nuntung bansa Dayak dalam taun-taun 80han, 90han lalu di banding enggau diatu enda sebaka, lalu pia mega pemansang ti di sepi kitai di rumah panjai serta di nengeri.

Dalam taun 60han bala Tuai kitai Dayak besaup mutar ka menua Sarawak enggau numbuh ka Malaysia, lalu sekeda sida ke Tuai ngelubang penemu minta bala Dayak tu di kelala ngujungka Gawai Dayak terubah di intu kena 1/6/1965.

Dalam taun 60han enggau 70han kitai Dayak agi tebal diau di menua pesisir, di banding ka penyampau tubuh kitai Dayak ti diau ba nengeri diatu.

Perintah udah bebendar ngadu ka pemansang di kena napi rakyat menua pesisir ke pindah ka nengeri kenyau ari taun 1970 kelia.

Dalam taun 1970 suba 84.5 % rakyat Sarawak diau di menua pesisir ngereja pengawa betanam betupi. Tang kenyau ari taun 80han, rakyat di menua pesisir ngubah penemu serta runding mansut ka diri ke nengeri laban ngiga pengawa serta ngiga pendiau pengidup ke baru.

Pemaioh mensia ke pindah ari menua pesisir majak betambah, ari tahun ke taun, dalam taun 1985 rakyat diau di menua pesisir nurun ngagai 73%, taun 1991 nurun ngagai 62.6%, taun 2000 nurun ngagai 51%. Ari statistik nya, 51% rakyat agi tinggal tauka diau di menua pesisir tentu ia bansa Dayak lebih maioh ari bansa bukai ti agi ngemeran ka pengawa bumai betupi.

Lalu perintah mega enda neju ka bala rakyat ti tinggal di menua pesisir, beduduk ari nya perintah nangka ulih mantu ngangkat ka pengidup semua peringkat rakyat.

Siti ari jalai perintah ngangkat ka pengidup serta nurun ka takat penyeranta / kadar kemeskinan, perintah udah nyedia ka plan/strategy pemansang Menua Pesisir , Muka tanah NCR ka kebun Sawit, Rural Growth Center (RGC) serta ngaga jalai besai nuju palan pendiau mensia ti genturung besai.

Dalam Millennium tu, kelebih agi dalam Lumpar Malaysia ke 9 (9^th Malaysia Plan) ari taun 2006 – 2010, perintah Sarawak deka ngatur belanja pemansang lebih ari 8^th Malaysia Plan (RM11.825b), 7^th Malaysia Plan (RM5.825b).

Aku arap ka bala kitai Dayak dalam Lumpar Malaysia ke 9 tu ila, sama-sama enggau perintah serta rakyat bukai nuju mansang ba Human Resources, Infrastructure, Utility and Telecommunication Development, Modernisation of Agriculture Sector, Tourism Industry Development serta Industrial and Investment Development kelimpah ari pemansang ba pelajar sekula ti nyadi ka Focus Pembangunan RMK9.

Nyadi taun tu, kitai sekali agi ngintu Gawai Dayak ngena leka jako SEGULAI SEJALAI, Tuai-Tuai kitai Dayak milih leka jako SEGULAI SEJALAI nyadi ka tema Gawai Dayak kenyau ari taun 2000 suba.

Tuai kitai Dayak, YB Datuk Patinggi Tan Sri Dr. Alfred Jabu ti lalu nyadi Sapit Kepala Menteri, ngetan ka leka jako SEGULAI SEJALAI di kena ia mai bala kitai Dayak begempung penemu kena ngemansang ka bansa enggau menua awak ka menua Sarawak nyadi siti menua ti maju dalam taun 2020 ila, ia mega di kena nyukung Kepala Menteri Yang Amat Berhormat Pehin Sri Dr. Hj. Abdul Taib Mahmud ngemansang ka menua Sarawak ti di sadang ulih nyadi Menua Maju dalam taun 2020 ila.

Kebuah pia, laban perintah Sarawak ulih nurun ka Unemployment rate ari 10.0% dalam taun 1990, 7.5% dalam taun 2000 ngagai 5.5% dalam taun 2003, inflasi 1.5% dalam taun 2000 ngagai 0.5% dalam taun 2003, serta Balance of Trade RM17.3b dalam taun 2000 ngagai RM17.5b dalam taun 2003.

Ba pemansang pelajar sekula, kitai ke udah diau ba nengeri, tentu udah enchelak mata nitih ka singkang orang chara kitai ngemaju ka bala anak, tang tudah ke diau di rumah panjai menua pesisir, endang nadai nemu utai ulu ili sida.

Nyadi ba tu meh kitai SDNU “play our role / berperanan” nerang ngagai sida pasal peluang ngulih ka pelajar tinggi ke betul serta enda ngerugi apai indai serta nembiak ke dudi hari.

Bala kaban SDNU tau bebagi ka penerang enggau silik ngena program pemansang pelajar tauka forum ba radio pasal nyambung pelajar, kolej, Universiti serta Scholarship/education loan.

Tentu sekali kitai irau ati laban bisi sekeda kolej swasta meri “tawaran” nampung pelajar ngambi Diploma/Degree ngagai sekeda nembiak ti ambis peresa form 5 taja pan pemutus peresa sida enda manah. Pekara tu balat serta udah mai pengerugi ka maioh bala kitai di menua pesisir.

Kelimpah ari nya, aku arap ka bala Komiti Besai serta pampang SDNU di serata menua Sarawak bendar agi ngereja pengawa mai bala kaban SDNU tauka bansa Dayak nitih serta nyukung penemu nuju pemansang nadai bebagi ati, serta anang begulai ka SDNU enggau penemu Politik, awak ka SDNU mantu perintah mai penemu pemansang ka sekeda bansa Dayak di menua pesisir.

Serambau enggau pengerami Gawai ke taun tu, aku bepesan nuju bala semua kitai Dayak ngintu Gawai enggau atur ke manah, anang kelalu betimbah ayah. Pia mega kitai patut bebeli ke utai chukup-chukup di guna sebedau hari nyadi. Awak ka kitai enda balat bebasau ka belanja serta ngelari ka sekeda orang dagang ngambi peluang niki ka rega barang.

Dalam pekara ini iaitu, kenaikan harga barang yang tidak berpatutan setiap kali menjelang Pesta Gawai, saya memohonlah sepenuh kerjasama dari Bahagian Penguatkuasa, Kementerian Perdagangan Dalam Negeri dan Kastam agar menjalankan pemantauan serta membuat pemeriksaan sepanjang tempoh pesta Gawai di premis-premis Jualan terutamanya kawasan bandar-bandar kecil seluruh Sarawak. Agar tiada peniaga mengambil kesempatan menaikkan harga barang keperluan dengan sewenang-wenangnya.

Begitu juga, saya memohon pihak berkuasa berkaitan, seperti Polis, Marine, kastam, Lembaga Sungai-Sungai Sarawak dan Jabatan Pengangkutan Jalan agar membuat pemantauan dan pemeriksaan ke atas kadar tambang dan jumlah muatan dan penumpang yang dibenarkan bagi sesuatu pengangkutan atau kenderaan. Tujuannya bukan sahaja mengelakkan para penumpang di kenakan kadar tambang yang tidak patut malah bagi menjamin keselamatan para penumpang dan pengguna-pengguna jalanraya yang lain.

Bagi menampung dan membolehkan Masyarakat Dayak balik ke kampung dan rumah panjang masing-masing dan kembali semula ke tempat bekerja dalam masa tertentu, saya memohon juga pihak pengusaha bas Express menambahkan perkhidmatan bas.

Begitu juga saya berharap pihak Malaysia Airline atau Air Asia menambahkan bilangan penerbangan mereka dalam tempoh pesta Gawai dari bandar-bandar utama di Malaysia ke Sarawak, kerana yang pulang waktu Gawai bukan sahaja Masyarakat Dayak malah semua kaum ingin mengambil kesempatan bercuti.

Nyadi ba bala kitai Dayak, aku ngelalau bala kitai maioh ti diau di rumah panjai, anang enda bejaga-jaga ari sebarang penusah lebih agi penusah ti tau datai ari dapur maia bepanduk ka pemakai, air serta besalai ka utai bukai. Penusah semapai nyadi ninting taun lalu ngujung ka kitai papa maia Gawai.

Ngagai bala kitai ke deka mindah kin kia ngena jalairaya, kitai mega anang enda bejimat, laban penusah tau datai sebarang maia lebih agi enti udah lelak serta “buntau berami”. Enti lelak tauka buntau manah agi ninduk ka diri dulu, bini anak tau mega nagang apai mai motor “enda betul”.

Lalu kena aku, ngujung ka jako aku ke lemai tu, aku serta kami sebilik meri Selamat Gawai Dayak ngagai semua kitai, serta ngajih ka gayu guru, gerai nyamai ba taun ti ka datai.

May 2005

JAKO ORGANISING CHAIRMAN MAKAI MALAM GAWAI SDNU

BA DEWAN SUARAH KUCHING KENA 21^st MAY 2005

Prepared by Anthony Banyan

Terima kasih Pengecara !!!!

YBhg. En. Nicholas Bawin Anggat, Presiden SDNU, Professor Dimbab Ngidang, ……… Tuan-Tuan dan Puan-Puan…..

Segulai Sejalai makai lemai ba Dewan Suarah Kuching Sarawak

Nanda kitai nyambut Gawai diatur SDNU, SIDS enggau ati ti gaga

1/6/2005 ti ka datai kitai ngintu pengerami ke 40 kali Gawai Dayak

Terima kasih ka Petara Gawai masuk 4 sada di peringkat Malaysia.

Selamat datai serta selamat begelumu lemai tu, ngagai semua bala kitai maioh, ke lebih agi ngagai semua pengabang serta pemesai pemesai opis opis perintah enggau kompeni luar.

Salam sejahtera dan selamat datang ke majlis makan Malam anjuran SDNU 2005, Sempena Gawai Dayak.

Ladies and Gentlemen, I am very please to acknowledge the presence of our special guests from Japan, Prof. …………………….., ……………………………….., …………………………….

Thank you very much for your presence this evening.

Ke lemai tu aku ngari ka semua bala komiti pengatur pengawa berasai gaga serta temegah amat ati ngelalu ka penatai bala kitai maioh, laban ti sekali agi kitai ngulu pengawa makai lemai ti di atur SDNU ninting taun, ti serambau enggau nyambut Gawai Dayak kena 1 haribulan Enam.

Pengerami Makai tu 21/5/2005 lalu taun dudi nyin ila mega deka di atur seminggu sebedau Gawai Dayak kira 19/5/2006 (Friday). Nya alai aku arap ba taun dudi ila enda beserabak hari enggau pengawa bukai.

Sebedau aku ngemanjai ka jako aku, manah aku becerita mimit pasal SDNU, siti ari Gerempung bansa Dayak ti bisi di Sarawak. SDNU udah di pun ka bala sida niang Mr. Edward Jerah, Datuk Edward Brandah & Datuk Michael Buma kena 10/5/1956.

Lalu setaun udahnya,kena 27/5/1957 bala sida niang Mdm Barbara Bay begulai enggau Datuk Tra Zehndra lalu ngepun ka Bagi Indu SDNU ianya SIDS. YBhg Datuk Tra enda begulai enggau kitai laban ti kurang pengerai. Bala kitai, patut amat berterima kasih ka sida iya, laban tinjau (wawasan) sida maia nya ukai nangka 20 tahun aja tang ninjau ka pemansang bansa Dayak datai ka jemah ila. Runding sida maia nya deka meda bala Dayak di Kuching ditu ke datai ari menua pesisir bisi palan begulai, berandau serta betulung maia kena penusah tau ka maia bisi pengawa berat.

Ba taun tu SDNU udah manggai 49 taun kena 10/5/2005. Lalu SIDS mega deka manggai 48 taun kena 27/5/2005, tu ila. Enti di banding ka enggau mensia SDNU tau ka SIDS tu udah chukup tuai runding dalam semua pengawa semua kerja.

Lalu ke sehari tu SDNU/SIDS ukai semina bisi di Kuching tang seluruh menua Sarawak, lalu pia mega kaban tauka bala ti nyukung pengawa SDNU/SIDS, bisi di Singapore, Johor, KL, Penang, Sabah serta di Brunei. – siko dua tudah ke ngelala bisi telefon / ngirum email nanya lebih silik pasal SDNU. Tu nunjuk ka SDNU udah di temu mai penguntung ka bansa Dayak ke jemah ila.

Tuju SDNU tu di tumbuh endang amat terang deka besaup ngemansang ka bala Dayak lebih agi ti datai ari menua pesisir ba Pelajar, Penyerakup, Culture, Sosial, Welfare, Ekonomi/Dagang serta pemansang-pemansang bukai.

Siti penanggul ti nuntung SDNU/SIDS tauka ni ni gerempong NGO, ia nya bala komiti ngereja pengawa chara Volunteer. Sekeda bala komiti ulih tang bisi sekeda ti enda ulih limpang maia bisi pengawa. Tuai/President/tauka Chairman tauka sapa-sapa enda ulih mejal siko-siko komiti ngereja pengawa. Nya alai bala komiti ti kurang “cergas” patut nyurut ka diri tauka “enda dipilih” baru ba Meeting Besai 3 taun sekali / TGM ti nangkan ka nya.

Taja pan bala komiti SDNU/SIDS ngereja pengawa ti Volunteer, tang maioh activities ulih serta udah di atur enggau mujur ninting taun. Pemujur tu laban pengeliat bala ke ngereja pengawa serta bisi sukung ari Tuai serta sukung ari bala maioh.

Ba senentang tu mega, aku arap ka kitai terus SEGULAI SEJALAI ba SDNU taja pan penemu politik serta pengarap kitai enda sebaka. Sukung kitai maioh, masuk nyadi kaban udah chukup meri peransang ka sapa-sapa ti nyadi Kaban Komiti, kena ngemansang ka SDNU/SIDS lebih agi ka kitai Dayak. Borang masuk nyadi kaban, bisi di sadong ba atas meja, arak ka kita ngisi lalu beri ngagai kaban komiti.

Penguntung nyadi kaban endang ia enda ulih peda serta enda ulih asai tekala nya. Kitai ga meda, lalu tau nanya ari sida ke Tuai-Tuai(leaders/Pemimpin) ti ngepun ka SDNU/SIDS. Kati asai ti udah di sepi sida tahun 1956, 1957 serta 1965, SDNU, SIDS serta Gawai Dayak mula di pun ka sida suba. Diatu semua tiga iti nya udah lebih 40 tahun, tanya meh ari Yang Berbahagia Datuk Tra serta sida Tuai/Leaders bukai ti bisi begulai enggau kitai ditu.

Kati bisi penguntung ka bansa Dayak ba penemu kita orang lama ( senior Citizen)?

Lalu ngenang ka Pengerami Gawai Dayak ti di sambut kitai ninting taun 39 kali ke udah, lalu taun tu kitai deka nyambut Gawai Dayak ke 40 kali kena 1 haribulan Enam. Bansa Dayak meri besai terima kasih ka siko Indu, Indu ti terubah nyadi kaban Council Negeri laban runding serta penemu ia minta Bansa Dayak di kelala bisi di menua Sarawak.

Penemu ia di bantai ba Aum Council Negeri dalam tahun 1963 tang tau di kumbai enda di kiboh.

Jangka aku, Indu nya chukup kih/ liat ati, penemu Indu nya tebantai baru dalam taun 1964, nasib bansa Dayak manah, penemu ia diterima ba Aum Council Negeri serta di Gazzette dalam bulan 9 1964, lalu ngujung ka semua Dayak di menua Sarawak ngintu Gawai Dayak terubah kena 1/6/1965.

Ba penemu aku, kena kitai ngenang ngingat ka pengawa Indu nya kala ke ia agi begulai enggau kitai, semina SDNU aja jalai ti appropriate amat meri Indu nya gelar INDAI GAWAI DAYAK.

Kati kita nemu sapa Indu nya? Tauka setuju enggau cadangan aku?

Terima kasih ka YBhg. Datuk Tra Zehndra lalu aku arap ka kitai bela besampi ngagai Petara, minta YBhg. Datuk Tra gerai belama.

Pulai ngagai pengawa kitai ke lemai tu, aku arap ka bala kitai maioh bela teperindang enggau pengerami serta main ti udah di atur, lalu pia mega mai bala kitai maioh mantai ka bakat pangan diri ngena chara sponsor belagu di panggau. Sambil merindang/berhibur kitai mega menderma ngagai SDNU sebedau bala kumang ayan bepekit ba atas panggau.

Pekara bukai ti deka aku bai kungsi enggau bala kitai maioh, ari pengalaman kitai Gawai ke ngelama tu, kitai suah amat napi pemedis ari pengawa sekeda orang dagang ti enda betanggunjawab ngambi peluang maia pengerami lalu betiki ka rega barang serta tambang ti enda patut.

Nya alai aku arap ka bala kitai maioh sama-sama besaup nagang pekara tu nyadi baru ke tahun tu serta tahun-tahun ke ka datai.

Siti ari chara kitai nagang pengawa tu nyadi, kitai anang sekali-kali ngembuan penemu “kapa nya” , “nadai hal mina sekali setaun”, “ukai aku aja kena”.

Nyadi ba penemu aku / saya mencadangkan :-

1. Jika tuan-tuan/puan-puan mendapati harga barang seperti ayam, telur, beras, gula, minuman dll tidak berpatutan, atau mendapati peniaga berniat menipu pembeli dan Penguatkuasa dengan menyediakan dua tanda harga yang berbeza pada barang yang sama.

Jika pekara ini terjadi di depan mata tuan-tuan dan puan-puan, sila laporkan kepada pihak berkuasa Kementerian Perdagangan Dalam Negeri dengan memberi maklumat nama/no kedai, tarikh, masa, harga dan jenis barang yang berkenaan.

2. Jika tuan-tuan / puan-puan merasa tambang bas, kereta, teksi atau bot ekspres tidak berpatutan dan membawa penumpang berlebihan yang mengabaikan keselesaan dan keselamatan.

Pihak pengusaha bot Ekspres yang berniat menipu dengan mengambil semula penumpang dan mengutip tambang selepas pemeriksaan Pihak Penguatkuasa.

Sila laporkan kepada pihak Lembaga Perlesenan Kenderaan Perdagangan dan Lembaga Sungai-Sungai Sarawak atau kepada polis Merin dengan mencatat no kenderaan, nama ekspress bot, masa dan tarikh nya sekali.

Alamat dan telefon pihak berkuasa tersebut seperti dalam borang yang telah diedarkan di atas meja tuan-tuan dan puan-puan.

Sehubung dengan itu, saya percaya ahli-ahli SDNU juga bersetuju jika saya mencadangkan agar SDNU menjadi perantara dan membolehkan pihak berkuasa mengambil tindakan yang sewajarnya serta kita akan sama sama dapat berwaspada.

Ladies and Gentlemen,

We should make use of SDNU to channel the information to any relevant authorities. This is one of the way we can assist our people in the remote / ulu areas. Because these are the people who are always say “nadai hal”. Even if the chicken sold at RM20 per head or telo manok RM15 sepapan – they will buy, nemu jako sida – “ari ke nadai, mar tauka murah beli ajalah enggai ke nadai kena Gawai”.

If we always SEGULAI SEJALAI to tackle this common problems, I believe no body dare to take advantage or increase the price of the goods as they like especially during Gawai Festival. These problems used to happen every Gawai, but there was no efforts ever done by us.

To ensure, it won’t happen again during Gawai in future, please come and cooperate with SDNU to report any cases to the relevant authority or channel it through SDNU at Tel 082-570433 Kuching or any SDNU/SIDS Branches or Committee members through out the state.

Nyadi sebedau aku ngujung ka jako, aku sekali agi meri besai terima kasih ka semua bala komiti ti ngatur pengerami kitai ke malam tu. Bala komiti ari Komiti Besai, pampang-pampang SDNU, SIDS Siol Kandis, Boulder Built serta bala Belia SDNU.

Terima kasih ngagai bala kita, ti udah sama-sama enggau aku dalam kandang tiga bulan tu kitai ngatur pengawa, laban tuju kitai semampai deka ngaga utai lebih manah ari taun-taun ke udah.

Lalu pia mega terima kasih serta puji ka semua ka bisi terlibat, ngatur Pekit Main Asal kena 7/5/2005. Pekit nya di atur, siti ari di kena nyambut pengerami Gawai Dayak serta kena nanda/ pengingat ka penumbuh SDNU kena 10/5/2005 serta SIDS kena 27/5/2005.

Pia mega terima kasih ngagai sukung bala kita maioh serta sukung bala company ti sponsor Prizes serta tulung ngaga advertisement ba souvenir Programme.

Enda di tinggal mega terima kasih ka peransang serta lalau ari President SDNU Mr. Nicholas Bawin serta Penyanding Penemu YB Senator Dato Sri Empiang Jabu, taja pan ia enda enggau kitai ke lemai tu laban bisi pengawa ti serebak di Miri.

YBhg. Presiden, Tuan-tuan dan Puan-puan ……………..

Kena aku ngujung ka jako,

BUAH KEMAYAU MANSAU LALU DI EMPA BALA SEMAWA,

SEKEDA BISI BERBUNGAI TANG ENDA BEBUAH,

39 TAUN KITAI UDAH NGINTU GAWAI DAYAK,

PENEMU enggau PENGAWA LAMA UKAI DI BUAI TANG DI UBAH.

Terima kasih.

Nov 2005

PENEMU AKU BULAN NOVEMBER

Sekali agi meri tabi basa serta selamat kitai betemu baru ba bulan tu. Arap ka berita ari bala maioh manah magang lebih agi nyau semak ujung tahun. Ba ujung bulan Oktober tu tadi aku bisi nemuai ngagai bala ti bekerja ba sebelah kilang laban deka nyadung penemu mai begulai dalam SDNU. Maia ti nemuai nya tudah betanya serta bekenang ka bala ti gawa perintah bisi untung laban ulih shopping musim Hari Raya udah bekau ti nerima bonus. Baka sida ti gawa ba kilang serta bekuli ngapa mina nganti gaji, pia ko sida.

Nyadi bala menyadi, sinu amai ga ninga sida besebut ka utai ti munyi nya. Ba penemu aku, tudah benung ngitung hari nganti terima gaji kena shopping, tang nadai sekali-kali meh sida ingat ka pengawa ti deka nyadi ba pun bulan January ila, anak beguna ka perengka kena nurun sekula. Arap ka enda maioh sida ti empu penemu ti baka nya, laban ngasai ka anak ti deka nurun sekula lebih di kemerat ka ari sengapa utai di beli.

Ba pekara nya, teringat mega aku ka siti berita ti pansut ba Borneo Post, Yang Berhormat Datuk Joseph Salang mantai ka penanggul anak ti deka belajar ba rumah panjai, apai indai enda nyedia ka meja belajar tang lebih berat deka bebeli ka perengka bukai baka jemari, kerusi settee, radio Hifi serta TV ti besai. Penemu ti baka tu sigi amat nyadi, sekali ka di rumah panjai tauka ba sekeda bala kitai ti bekuli diau di nengeri. Besaup meh kitai mutar ka penemu ti enda betul nya, lebuh maia ti bisi nemuai pulai ke rumah panjai, laban sinu ka nasib anak, uchu ichit sida/bansa kitai ke jemah ila. Padah padah meh ngagai bala kaban belayan kitai di rumah panjai, besaup mega ngerembai ka berita tauka penemu ti manah ngagai sida. Anang jampat putus asa mega enti sekeda penemu tua enda lalu ulih terima bala kaban belayan tekala nya..

Pekara kedua ti deka aku kunsi enggau bala maioh, ngenang Hak Pengguna. Jangka aku enda semua kitai sedar ka Hak diri empu ba semua utai ti di kena serta utai ti di beli. Di menua ti udah maju, semua mensia nemu Hak diri empu. Nyadi ba menua kitai pekara tu apin berapa di kemerat laban kitai nadai nyenggala deka kiruh.

Ba senentang tu, arap ka bala kitai sama mega belalau ka pangan diri, lebih agi bebeli ka utai ti besai-besai serta rega ti manggai beribu ringgit, laban maioh chara orang ti bejual deka ngiga untung lebih ari ti patut.

Ambi ka banding kitai meli pemakai / ubat ti udah lepas timpuh, kitai bisi Hak nukar ngagai ti baru. Lalu pia mega enti meli utai ke besai baka rumah, kitai bisi Hak mega meda SPECIFICATION ba approved Building Plan. Jangka aku nadai kitai sedar Approved Building Plan ti bisi di limpir ka ba Sale & Purchase Agreement mina saiz kertas A4 ti enda ulih bacha. Saiz nya di gaga mit, tentu bisi niat enda manah, awak ka kitai enda nemu nama specification rumah nya. Nya alai kitai ti meli rumah bisi Hak minta kopi Approved Building Plan ti saiz asal ti bisi di Chop serta kopi surat ari Local Council.

Enti bisi pekara ti enda betul, enda nitih ka Agreement serta enda nitih ka spec, dia kitai jampat ngaga ripot ngagai Tribunal, ba Pejabat Kementerian Perdagangan Dalam Negeri, Tingkat 8, Bangunan Sultan Iskandar, Simpang Tiga, Kuching. Tribunal di beri kuasa penuh nyaga Hak kitai/pengguna. Tribunal meri pemutus penyampau pampas ti patut di bayar ngagai kitai dalam tempuh 60 hari. Jangka aku kitai nadai sedar Hak diri dalam Sale & Purchase Agreement, kitai patut di bayar enti rumah nya enda tembu/siap dalam siti timpuh (24 bulan).

Pekara ti penudi, bai aku perati ka, bala kitai ti ngejang ka menua Sarawak. Di KL aja bala kitai Iban ti bekerja kuli (kilang, construction, Shopping Complex) enda kurang ari 5,000 – 7,000 iko. Ba endur bukai, baka di JB, Ipoh, Penang, Labuan, penyampau nadai mega kitai nemu. Nyadi pekara ti deka bai aku kunsi, di perunding ka kitai maioh, ngiga chara kitai ulih mai sida tu mantai ka identity Iban ti manah ba menua orang serta pekara ti pemadu berat mai sida tu ngambi Hak sida nyadi rakyat Malaysia ti Berdaftar ba SPR serta Hak sida ngenatai ka undi lebuh maia bepilih besai.

Ba penemu aku, enti penusah tu lalu di teju, semakin rugi meh bala kitai ke jemah ila laban orang bukai lalu terus ngena peluang bepilih besai ngiga pengari mutar ka menua ti tau nguntung ka bansa diri empu. Nama pengujung kitai? Mau tidak mau betullah cerita Red Indian di Amerika ti di kumbai orang Dayak, udah nya kitai Dayak di kumbai orang Red Indian of Sarawak. Nya alai awak ka pekara nya enda nyadi, nitih chara orang meh kita ti ba parti-parti politik mantu sida nya tadi Berdaftar ba SPR. Titih meh pengawa ti manah bala Parti SUPP mantu SPR.

Terima kasih

Oct 2005

PENEMU AKU BULAN OKTOBER

Selamat kitai betemu baru ka bulan tu. Nama berita bala kaban menyadi ka lebih agi bala kitai ti bisi anak baru ka ngambi peresa UPSR, PMR, SPM serta STPM? Enda berasai, bulan Sepuluh udah ga datai. Mina dua bulan nyau ka datai ba taun baru 2006. Masa berasai cemburu, nya meh gaya jam jampat belalu enti kitai semampai kiruh ngadu ka pengawa. Nya mega siti ari kebuah bansa Melayu semampai belalau ka leka jako masa itu emas. Jangka aku, bala kitai mega setuju, “pengawa ti beila-ila” ngujung ka maioh pengawa nya empu tau puntan. Bala kitai di nengeri kira ok mega, tang bala di rumah panjai selalu amat beberap patung duduk rerungguk, ngitung hari ngitung jam. Entahlah, nama utai ti di anti nadai mega kitai nemu.

Bala kaban menyadi, sekali tu aku mai bala kitai maioh berunding ngiga jalai baka ni kitai ulih ngepun ka nangkup pengawa ke besai. Utai ti ko aku, “begempung besaup meli reta(assets)”. Kebuah aku mai penemu tu laban langgur SDNU ngaga Rumah Dayak ba Jalai Satok udah semak semak ka teputar. Nitih ka berita ti baru amat di temu ari opis Land & Survey Dept, Site Plan Rumah Dayak baru udah approved by State Planning Authority. Terima kasih ka niang Mohd Arif bin Mahmud laban ti udah kiruh enggau ngadu ka projek Rumah Dayak.

Bah, sekali tu nadai maioh pekara ti bai aku kenang bala kitai sebuat awak kitai bela berunding panjai ka pekara tu.

Ba runding aku, kitai patut naka ulih ngetan ka share bansa Dayak ba Rumah Dayak nya ila. Kandang ka diatu, SDNU mina ngembuan 2 lot (4 ringkat kedai) serta tingkat 4 ba kedai ke 3 ari 7 lot kedai 4 tingkat, lalu 2 ringkat (tingkat 1 & 2) ari 12 tingkat rumah pejabat (main building). Nya alai asai sepi aku patut mega kitai besaup ngambi ungkup ba Rumah Dayak. Bala ti ulih /mampu, tau mega berunding bebeli ka space (ruang pejabat) nyadi ka investment jemah ila.

Nyadi bala kitai ti enda mampu, ngati ka diri nadai jalai, tang ba runding aku kitai ngena jalai begulai ngepun ka Koperasi tauka Company. Buka share ngagai bala Dayak, ambi ka banding, RM1,000 siti share, tentu nadai pemerat, kitai bela ngambi mimit. Bala ti asai ulih ngambi maioh patut nadai di tatak / limit.

Uji kitai berati; Enti kitai ulih ngumpul bala 100 iko, average share RM5,000.00 udah tentu kitai ulih meli tunai (cash).dua ringkat lot kedai.

Senentang tu, sapa bala kitai sanggup ngepun ka pengawa deh? Belalau ka peneleba/pengalaman maia lampau, bala kitai agi seruran ingat ka pengawa diri sama diri enda ulih di karap pama datai ba pengawa kunsi ka duit. Nyadi pengawa bala ti enda lurus nya suba tau nyadi ka penanggul kitai ti deka begulai ngepun ka pengawa kunsi maia diatu.

Bah, enti kitai majak ngingat ka penanggul lama nadai mega jalai kitai tu ulih begulai ngatur pengawa. Ba dunya diatu, pengawa ti nipu pangan diri enda ulih seliah, tang kitai mega ingat, orang ti nipu pan enda ulih ngelari ka diri ari undang-undang. Nya alai pengawa ti bekunsi sigi di panggai kitai ba undang-undang. Koperasi tauka Company di tumbuh belalau ka atur akta Koperasi tauka Company, awak ka ngelindung kitai ti bisi empu share. Nama runding bala kitai maioh, entu setuju, bepadah meh ngagai pangan diri. Giga siko nyadi ka pun pengawa kitai.

Terima kasih.

Sept 2005

PENEMU AKU BULAN SEPTEMBER

Sekali agi kitai betemu baru ba dunya siber, ngajih ka kitai senang lantang dalam semua pengawa awak ka tau mai penyenang ka jemah ila serta Selamat Hari Merdeka. Merdeka, Merdeka, Merdeka !!!……

Tu bulan ke Sembilan ba Calender tang bulan ke Empat ba kitai Dayak. Maioh batang pengawa udah belabuh serta udah mujur di gaga kenyau kitai ngelengka ka taun ti lama. Pengawa bumai betupi udah mujur di atur nitih ka ripih pengawa betaun. Belabuh ari ujung bulan Lapan nyentuk ka tengan bulan Sembilan tu, menua kitai di Sarawak di sadang besebun laban pengawa ti betunu ka umai. Enti kitai mindah ari Lundu ke Miri kandang ka seminggu tu, dia kitai bisi meda maioh dandang umai udah kemas di tunu, sekeda nganti pengawa ti nugal tauka betambak.

Ba pengawa sekula, bulan tu mega bulan alai bala nembiak kitai nyedia ka diri duduk peresa ba tahun ke Enam, peringkat UPSR. Bala ti ba Tingkatan Tiga, Lima enggau Enam, sida tentu udah besedia duduk peresa PMR, SPM serta STPM ba bulan dudi tu ila. Ba kenang aku bulan nyin kemari, bulan tu meh nyadi ka adan bala nembiak ti besekula nyedia ka diri nganti maia ke datai peresa ujung tahun. Sida ti Tahun Enam udah mega nganti pemutus peresa. Pemutus ti manah tentu meri peluang sida terpilih ngagai sekula ti manah ba Tingkatan Satu taun dudi nyin ila.

Dalam kitai berandau ngenang pengawa sekula, arap bala tudah di menua pesisir, mega ingat-ingat nyedia ka perengka serta belanja di kena anak sida nurun sekula ba taun dudi nyin ila. Enti sida besedia ari diatu, tentu sekali pengawa nyadi lempung datai ba bulan Satu ila. Tu meh peluang sida nyedia ka diri, laban baju, tanchut serta bek sekula tentu rega udah niki, enti enda salah dinga, getah benung tinggi rega ari selama.

Au, nguing kitai ngagai berita bukai ti nyadi, din dia. Kati ingat kitai utai ti nyadi kena 27 Julai 2005, Helikopter labuh naban ka nyawa sida Niang Lans Koperal Empeni Ak Karong ba Bukit Tibang, Kapit. Lalu ujung bulan Lapan bilun Boeing di Indonesia labuh naban ka lebih 150 nyawa. Lalu bedau pan ambis berandau ka nya berita helilogging pecah serta naban ka 3 nyawa rakyat Russia. Pekara nya mega nyadi di menua pelilih Kapit dalam tempoh kurang ari dua bulan.

Lalu pekara bukai ti tau di pansa kitai ngelansa, baka sambut Hari pengada menua Malaysia. Ninting taun kitai nyambut Hari Pengada menua Malaysia, tang siti pekara ti besai amat enda berapa betul, tau lalu di kingat ka bala nembiak rebak baru. Pekara nya nyadi setegal Sabah serta Sarawak numbuh ka Malaysia begulai enggau Malaya seduai Singapura ti dulu Merdeka kena 31 Ogos 1957. Ba senentang tu, berita ba Surat Kabar, ngayan ka Datuk Seri Joseph Pairin Katinggan madah ka Malaysia Merdeka kena taun 1963, baru 42 taun, endang ia amat patut di kerunding ka kitai di Sabah enggau Sarawak. Bala maioh mega setuju ka pekara nya, lalu nadai kebuah mega kitai di Sabah tauka Sarawak nitih ka angka 48. Nadai salah ba segi undang-undang kitai ngerami Hari Pengada Malaysia setiap taun, enti angka di kurang ka 6 ari angka di guna di Semenanjung. Ba senentang tu, ukai reti, kitai enda “sehaluan” tang endang ia patut di ubah di tambah nitih ka pekara ti amat-amat nyadi. Kitai mesti ingat pekara ti amat-amat nyadi enda ulih kitai ngelakun ka diri, laban seluruh dunya lebih agi Indonesia, Brunei, Philiphine, Thailand serta Singapura nemu Malaysia di tumbuh dalam taun 1963. Ba Kitai Iban, mina siko Tuai, Ayaq Andrew Jika ari Sri Aman, ngayan ka diri ba Surat Kabar, nerang ka pasal Penumbuh Malaysia. Terima kasih ka nuan Ayaq Andrew Jika, laban nuan ulih mansut ka diri, nunjuk ngagai orang bukai, bala kitai Iban mega bisi enggau baum ngepun ka Malaysia. Ba senentang tu, enti nuan enda mansut ka diri enggau surat “bukti” nadai siko orang nemu nuan mega bisi “peranan” ngepun ka Malaysia, nuan mega nadai di temu, siko ari Tuai Iban ngiring bala Iban maia nya kelia. Sinu amat aku ngenang bala Tuai kitai Iban, semimit pan nadai kena pansa leka kenang Numbuh ka Malaysia sekali ka ba surat berita, Radio serta TV, tang apa kan daya, sapa diri tua, dini salah kitai, nama pengelemi kitai? Nama runding bala kitai, orang tau enda ingat ka nama Temenggong Jugah, Stephen Kalong Ningkan, Tawi Sli, Thomas Kana, Datuk Seri Tra Zehndra, Datuk Amar Dunstan Endawi, Penghulu Abok serta maioh nama ke bukai? Ba ngetan ka menua ari kena langgar munsuh, orang mega enda ingat ka nama Kanang Ak Langkau, Awang Ak Rawing, Penghulu Imban, Mathew Ak Medan serta maioh sida bukai ti agi idup serta diau di nengeri serta sekeda diau entigis menua Sarawak. Sinu mega ninga berita Ayaq TR. Nyayang ti diau di Ulu Ensiring Julau, pendiau ia jauh ari nengeri. Pengidup ia mega baka pengidup orang ti ukai kala “berjasa kepada negara”. Amat meh cherita “Forgotten Hero”. Ayaq TR Nyayang siko ari Boarder Scout ti kala betempuh ngelaban Komunis. Orang ti ngepun ka pengawa “komunis” di Sarawak, nyakal Malaysia, tentu ukai Ubong Ak Nuing, tang nama kebuah bala sida Ayaq Nyayang, sida Kanang Ak Langkau di teju ngidup ka diri baka nya.

Limpang ari Cherita lama, ngelansa kitai bekenang ka pekara ti deka nyadi dalam tempoh 5 taun tauka 20 taun ti ka datai nyin ila. Kati kitai udah ngatur serta besedia nangkup serta ngadu ka pengawa nitih ka orang bukai? Aram kitai berati ka tinjau ti jauh. Perintah bisi tinjau nyadi menua maju ba taun 2020. Selangor udah mega nyadi menua / state ti maju taun 2005, dulu 15 taun ari menua Malaysia. Semua opis perintah diatu udah tembu ngatur pemansang Malaysia Lumpar ke 9. Enti nitih maioh mega pemansang bukai deka di atur, arap ka bala kitai mega bisi peluang enggau bebagi ka pemansang nya meh. Bulan Sembilan tu, siti Aum Besai (Seminar & Workshop) di atur opis Menteri Kerajaan Tempatan dan Perumahan Malaysia. Aum tu di kena mutar ka penyaranta/penyuntuk sekeda mensia ti diau di nengeri. Terima kasih ka opis ti ngatur nya laban ulih mai bala NGO baka SDNU. Ari semua pansik ti di bantai ba Aum nya, amat terang meh pun penyeranta, datai ari siko siko mensia ti kurang pelajar sekula. Ari ti kurang pelajar sekula, ia lalu ngepun ka siko-siko mensia nya kurang bepikir, kurang pemintar, kurang penemu serta kurang tinjau. Ba penemu aku, pekara tu ukai mina nyadi ba orang ti diau ba nengeri aja, tang ia mega nyadi ba bala kitai ti diau di rumah panjai menua pesisir. Ari pengurang kitai ba pelajar, penyakit tu mega deka terus betampung ba tubuh bala anak kitai, nya meh lalu ngujung ka bala anak nyadi amaq nengeri, ngereja pengawa ti enda menyana – lepak, mabok tisi jalai, lumba haram, enchuri, peras ugut serta maioh pengawa bukai ti salah ba mata mensia. Kebuah pekara tu nyadi, laban bepun ari kitai ti apai indai kurang pelajar sekula, lalu enda berat berunding ka pemansang anak dudi hari ila. Mulai ngagai Aum nya tadi, dia Opis nya lalu ngumpul penemu ari Jurai (Resolutions) ti tau ngangkat ka pengidup orang ti seranta ngena jalai meri peluang sida ngasai tauka ngangkat ka diri ba Education, Economy, Housing, Social, Health serta Infrastructure ti bisi di sedia ka opis-opis perintah. Manah amat penemu nya, arap ka ia di kena mega ngangkat ka pengidup bala tudah ti diau di menua pesisir meh. Lalu baka bala kaban belayan kitai ti diau ba nengeri ti enda entap pendiau serta enda entap pengawa tau berunding ngerebut peluang nya, ngicha ka bala anak kitai jemah ila tau berubah nasib. Taja pan pengawa enda tetap makai gaji bekuli selalu mindah kin kia, tang perintah udah nyedia ka rumah rega ti patut serta ulih beli bala kaban belayan kitai ti bekuli. Ari ke bebai ka bala bini anak diau enda meruan sebelah Lus (Lodge at construction sites), tentu manah agi “korban” ka anak gaji mayar rumah dalam RM250.00–RM300.00 sebulan. Kebuah pia, awak ka anak kitai meruan / menyana alai tudah belajar.

Emmm, kati ingat bala kitai gentaran jako bulan dulu nyin kemari? “Ba ni pun pengelemi bala kitai sebuat? Kati pengelemi nya tau nyadi ka pengering kitai enti ia di putar ngena penyampat. Nama pengelemi kitai deh? – ba Education, Unity, Religion, Integrity, Knowledge, Culture, Commitment or Charismatic Leaders”

Genteran ke dua, “Aram meh betesau bepadah ka bala bukai, lebih agi ka bala di menua pesisir. Nadai hari orang bukai nulung bansa kitai enti kitai empu enda nulung bansa diri”

Bah bala menyadiq, kati ulih kitai besaup mutar ka semua penanggul enggau penusah bansa kitai ngena jalai begempung? Ba ni kitai begempung …..Parti Politik? Ugama? Diri empu meh ninjau!!!!!

Jangka aku, bedau bisi jalai bukai setakat ke diatu, mina SDNU di pelaba ka ulih alai kitai begulai ngemansang ka bansa. Ba SDNU kitai mesti ngelengka ka penemu politik laban ti enda sebaka parti, pia mega kitai patut ngena SDNU belajar ka genteran leka jako BERSATU TEGUH BERCERAI ROBOH, HORMAT SAMA PEMIMPIN, SA’ATI di tambah ka SEGULAI SEJALAI sekeda leka jako kena kitai nuju semengat begulai ngereja pengawa, ngiga serta nambah ka pemansang ka bansa Dayak.

Selamat Hari Merdeka, mega Selamat mujur dalam semua pengawa.

Terima kasih.

Ogos 2005

PENEMU AKU BULAN OGOS

Selamat kitai betemu baru ba dunya siber, serta arap ka kitai senang lantang dalam semua pengawa. Bulan nyin kemari kitai bisi berandau ka Gawai tang sekali tu udah ga senyap seluruh pelusuk tanah ai.

Ba Bulan Lapan, enti di rumah panjai, tu meh maia sida ngitung hari ke manah laban deka nunu reban tau ka perimba alai bumai. Udah nya ngira ka diri deka betanam ka ensabi, jagung, ubi (empasa), entekai enggau genuk sebedau nugal betanam ka padi. Tu mega maia seluruh menoa Sarawak deka di tuntung asap tebal enti di serumba ka enggau pengawa betunu ari menoa Kalimantan di Indonesia. Penanggul ti baka tu enda ulih di seliah ka semua bala kitai dalam bulan Lapan ninting taun laban tu endang ia udah turan (peraturan/edar) pengawa bumai betupi ba Pulau Borneo kenyau ari kelia menya.

Nyadi bala ti di nengeri, orang di Kuching nyedia ka diri nyambut Hari Kuching nyadi Bandaraya serta di tampung nyambut Hari Malaysia Merdeka. Ba endor bukai baka di Sibu, Miri enggau Bintulu bela bisi pengawa besai di atur nyambut Hari Merdeka. Bala maioh, mega udah penuh semengat gaga ka Merdeka, ba atas jalai maioh kereta, motosikal udah ngantung jalur Gemilang. Pengawa tu, nanda ka kitai taluk ati serta ngambi berat ka diri empu nyadi anak Malaysia. Tang asai sepi aku ari pemaioh kereta ti mantai ka jalur Gemilang, tebal agi ga orang ti nyadi dereba bala Bumiputera laban sida tu ngasai ka diri nadai menua bukai alai endur ngindik ka kaki. Bala ti ukai Bumiputera, arap ka sida mega ngembuan ati ti taluk ka menua Malaysia, anang semina nganggap ka Malaysia alai ngiga pemakai serta pengeraja aja.

Ba ujung bulan tu, Menua Kapit di sadang umbas ia pengerami laban ti nyadi ka pun alai nyambut Malam Merdeka 31 Ogos 2005 ba peringkat menua Sarawak. Mega di sadang bala pemesai opis perintah serta temuai ari menua luar tentu maioh datai ngulu pengerami nya ila. Ba senentang tu tentu nyendia ka peluang ti manah amat kena ngepun ka rumah panjai nyadi ka palan temuai ngena konsep “Home Stay” laban di jangka ka pemaioh Hotel di Kapit enda tetangkup ka pemaioh temuai maia nya ila.

Bagi kitai sebuat serta bala maioh, anang enda ingat mega, Bulan Lapan tau ka August, bulan tu meh nyadi ka adan bala nembiak ti besekula nyedia ka diri nganti maia ke datai peresa ujung tahun. Ka lebih agi nembiak ke ba Tahun Enam (UPSR), Tingkatan Tiga (PMR), Tingkatan 5 (SPM) serta Tingkatan 6 (STPM). Nembiak ke pintar serta bisi penaluk ba pelajar, udah bebendar meh sida ngemas diri serta udah ngitung hari serta jam, tang ba nembiak ti kurang berat ka pelajar, tentu sida nadai runding datai dia. Nya alai nya meh “peranan” bala ti nemu, nulung ngerak, nulung ngansak bala nembiak, awak ka sida enda jauh tinggal ari orang bukai ti serebak enggau sida.

Ba bulan nyin kemari bisi aku nyebut sekeda bala kitai besaup betulung ngatur pengawa ngemansang ka pelajar ba nembiak kitai. Bisi mega ngatur seminar pelajar, bisi mega ceramah ka sekula. Kati baka taun tu, udah bala kitai begerak kini? Aku arap ka bala kitai sebuat anang sekali-kali rangka penemu serta rangka jam di kena ngangkat ka pelajar ka bansa kitai laban nitih ka pansik siko professor madah ka kitai Iban tinggal ba pelajar lalu ngujung ka bansa Iban mega ti pemadu tinggal ba pemansang bukai baka ekonomi enggau dagang.

Di Semenanjung, rindu mega meda berita ba TV serta Surat Berita. Arap ka berita mutar ka Ekonomi bala Bumiputera Malaysia ulih nyengkaum bala Dayak lebih agi Iban di Sarawak. Rindu meda bala perwakilan UMNO, sida ia amat penuh semengat ngadu ka nasib bansa Melayu. YB Datuk Seri Rafidah Aziz di kecam hebat laban ti nulung bepuluh orang “miskin Melayu” nyadi Jutawan ngena AP serta kontrak-kontrak perintah ke besai.

Nyadi, serebak enggau nya 25 Julai 2005 mega kitai di Sarawak begau laban Helikopter ti mai bala ari opis Pemetaan Malaysia labuh ba “Bukit Tibang (correct name)” pelilih Kapit. Tiga iko ari lima bebadi ba penusah nya. Kitai besampi ka semengat sida ti lesi nya likun belama, tang ngagai sida sebilik ke di tinggal, kitai ngarap ka sida tetap enggau ati ti sabar laban pemarai sida tiga di temu rakyat maioh ngadu ka menua.

Lalu pia mega ngagai bini anak serta apai indai niang Lans Koperal Empeni Ak Karong, arap ka kita ngembuan ati ti tegap ngepun ka pengidup ti baru kelebih agi netap ka bala anak Niang Empeni mujur ba pelajar ka jemah ila.

Ok meh, pulai ka randau dulu, ba runding kitai maioh, ba ni pun pengelemi bala kitai sebuat? Kati pengelemi nya tau nyadi ka pengering kitai enti ia di putar ngena penyampat. Nama pengelemi kitai deh? – ba Education, Unity, Religion, Integrity, Knowledge, Culture, Commitment or Charismatic Leaders?

Aram berunding serta bergerak diatu meh bala kitai sebuat, laban bansa bukai udah nyambut Hari Merdeka enggau ati ti gaga tegal pengering begulai (perpaduan sekaum), maju pa pelajar, maju ba dagang nyau masuk ka 43 tahun kenyau ari 1963 suba.

Bah nama agi di anti kitai? Aram meh betesau bepadah ka bala bukai, lebih agi ka bala di menua pesisir. Nadai hari orang bukai nulung bansa kitai enti kitai empu enda nulung bansa diri.

Salam hormat ari aku, BERSATU TEGUH BERCERAI ROBOH, HORMAT SAMA PEMIMPIN, SA’ATI di tambah ka SEGULAI SEJALAI leka jako kena kitai nuju semengat begulai ngereja pengawa.

Terima kasih.