Sekeda Utai Kena mulaika Pengingat

Kena 19/2/2012, maya ti nemuai semalam ke Sibu, tekenyit lalu tuchum dalam ati meda seiti gambar lama ti di "timbak" ngena kudak chelum kena 2/6/1972 urung jam 2.00 lemai udah pengawa SANDAU HARI (Gawai ti tanju).  Haribulan nya chun laban di asuh isin (action) nyalin ai tuak, tuak GAWAI DAYAK, maya nya suba kala ninga orang nyebut nyambut SARAWAK DAY kena 1/6 ninting taun. 

Semengat patriotik pan nyangka benung ga maya nya, nya alai tubuh setengah di balut enggau MENIRA (bendira) MALAYSIA. Maya nya suba, enti enda salah ingat, menira bukai baka Brunai, England, British Colony enggau SNAP sereta PESAKA pan mayuh di gantung ngena betung ba terutu atap, nama kebuah tauka sangkut paut enggau 1/6 enda ga aku ingat.

Gambar nya sereta mayuh gambar bukai meruan di simpan Indai Falicka enggau likun kenyau ari 1972, tang kena 19/2/2012 diserah ba mua bala anak kena NGENYAPUH ka meja makai. 

Chapuh ga bala anak meda gambar orang nya eh eh eh "enchem" baka bala anak Bujang ti nyau "bekejual" kiba kanan diatu !!!

Enchem tang suntuk tanchut panjai, selipar lebih agi ga kasut !!!!

aab