Siko Tuai Rumah enggau bini ti datai ari ulu sungai, mansut ka diri ke nengeri enggau penuh pengaga nyempulang siko anak lelaki seduai iya, nemuai ke Kuala Lumpur. Penemuai sida menyanak tu, nadai kala di sadang nadai kala di mimpi Tuai Rumah seduai bini iya, laban menua ti di tuju ukai ba pasar alai sida iya bebeli ka garam bebeli ka biching ngelama tu.
Menua ti di tuju, tak ukai chamang chamang maya nya, sebut aja Kuala Lumpur, orang di ulu sungai menua pesisir sigi ngumbai nya menua siti. Nama deh kena nyedia ka diri ke Kuala Lumpur, bendar meh begiga ka belanja, ngicha ka ulih lama agi din lalu raun mai Tuai Rumah seduai bini iya.
Apu deh neh, Tuai Rumah seduai bini iya orang rumah panjai di ulu sungai, nya meh ti di kangau aku Apai di kangau aku Indai selama tu. Nya meh kebuah tak naka ulih meh mai seduai raun di Malaya nyentuk ke Singapore. Kelimpah ari nya siko da ga orang nyempulang sida tiga menyanak nya, tang ni meh tau di sebut, nganu iya ila. Enda ibuh pansuk ditu meh iya nya, awak ka iya belalai di pun bungai, nganti kitai ke lepa pengawa.
Emmmmmm nyau enda ingat nyebut, utai ti ngasuh Tuai Rumah seduai bini iya chukup gaga ati laban ti meda anak iya sempat begulai enggau bala kaban bukai betusun bebaris bekena ka baju dibo lalu betopi chelum tang enda sebaka enggau tangi kena sida nurun ke kebun lada enggau kena maya ngetau ba umai. Engka bisi meh pengalit ati Tuai Rumah seduai bini iya, meda gari tak bangat nyelai di kena ba alai utai ke chelap sereta lindung, amat di umai ka nyadi ngena utai baka nya ngicha ka lindung ari mata panas lebih agi enti nyau ngalih hari!!!
Milton James, Anthony Banyan, Jerry Mawan, Semilan Ripot & Apong Siri (UPM Serdang 21.8.1989)
TR Banyan seduai bini iya di Genting Highland Resort
TR Banyan seduai bini iya di Fort Afamosa Melaka
TR Banyan di Sentosa Island, Singapore
TR Banyan seduai bini iya di Ferry ari Sentosa Island Singapore
.jpg)
Enduq masuk hari ke dua, di berap ibu iya Margaret Jara maya ti sembiang berkat kena 21.4.1990
